საქართველოს პრეზიდენტი მწუხარებას გამოთქვამს დონის როსტოვში სამგზავრო თვითმფრინავის ავიაკატასტროფის გამო

საქართველოს   პრეზიდენტი  გიორგი მარგველაშვილი    მწუხარებას გამოთქვამს  დონის როსტოვში   სამგზავრო თვითმფრინავის ავიაკატასტროფის გამო.  მარგველაშვილის განცხადებას პრეზიდენტის  ადმინისტრაცია ავრცელებს. გიორგი მარგველაშვილის განცხადებას პრეზიდენტის  ადმინისტრაცია ავრცელებს. “ღრმა მწუხარებას გამოვთქვამ როსტოვში კომპანია flydubai-ის სამგზავრო თვითმფრინავის ავიაკატასტროფის გამო, რომელსაც ათეულობით ადამიანის მსხვერპლი მოჰყვა. ქართველი ხალხის სახელით ვუსამძიმრებ დაღუპულთა ოჯახებს და ვუცხადებ მათ თანადგომას ამ უმძიმეს წუთებში,” – ნათქვამია განცხადებაში. დონის როსტოვში მომხდარი ავიაკატასტროფის გამო მწუხარება გამოთქვა, პრემიერ-მინისტრმა, გიორგი კვირიკაშვილმაც.
დონის როსტოვში “ბოინგმა” დაშვებისას კატასტროფა განიცადა, რასაც 62 ადამიანი ემსხვერპლა. დაღუპულთაგან 55 მგზავრი, დანარჩენი ეკიპაჟის წევრი იყო. თვითმფრინავმა კატასტროფა მოსკოვის დროით 03:40 საათზე განიცადა. Fly Dubai-ის თვითმფრინავი რუსეთის მიმართულებით რეისს დუბაიდან ასრულდებდა.   დაღუპულები სხვადასხვა ქვეყნის მოქალაქეები არიან. უმეტესობა რუსეთის მოქალაქეა, თუმცა არიან უკრაინის, უზბეკეთისა და ინდოეთის მოქალაქეებიც. ავიაკატასტროფის მიზეზი ჯერჯერობით უცნობია. დაწყებულია გამოძიება.

მსგავსი სიახლეები