ამერიკის პრეზიდენტი დონალდ ტრამპი აცხადებს, რომ უკრაინის პრეზიდენტთან ვოლოდიმირ ზელენსკისთან ერთად ხელს მოაწერს პოტენციურ „ტრილიონ დოლარიან შეთანხმებას“, რომელიც აშშ-ს მისცემს წვდომას დედამიწის იშვიათ წიაღისეულზე. ტრამპის ეს განცხადება ეწინააღმდეგება აშშ-ს ამჟამინდელი და ყოფილი ოფიციალური პირების შეფასებას საკითხზე, რომლებიც მიიჩნევენ, რომ უკრაინის იშვიათი მინერალური სიმდიდრის მოპოვება და დამუშავება ომით განადგურებულ ქვეყანაში რთული და თითქმის შეუძლებელია.
‘’ჩვენ დავკავდებით თხრით, თხრით, თხრით!“, – განუცხადა ტრამპმა ჟურნალისტებს ზელენსკის ამერიკაში ვიზიტის წინა დღეს. ‘’ამერიკელი გადასახადის გადამხდელებს ახლა ფაქტობრივად აუნაზღაურდებათ ფული და ასობით მილიარდი დოლარი, რომელიც დაიხარჯება უკრაინისთვის თავის დაცვაში დასახმარებლად.’’ დაამატა აშშ-ს პრეზიდენტმა.
ხელშეკრულებას ხელს უკრაინისა და ამერიკის პრეზიდენტები პარასკევს თეთრ სახლში მოაწერენ. შეთანხმება განიხილება, როგორც ზეგავლენის საშუალება საბრძოლო მზადყოფნაში მყოფ ზელენსკიზე მაშინ როდესაც ამერიკის მხარდაჭერა მყიფეა.