უკრაინის პრეზიდენტმ ვოლოდიმირ ზელენსკიმ დაადასტურა რომ მომდევნო კვირაში საუდის არაბეთში გაიმართება მოლაპარაკებები უკრაინულ და ამერიკულ დელეგაციებს  შორის. მხარეები განიხილავენ თანამშრომლობის საკითხებს მშვიდობის უზრუნველსაყოფად.  ამის შესახებ უკრაინის პრეზიდენტმა ბრიუსელში განაცხადა, სადაც ევროპელმა ლიდერებმა გადაწყვიტეს მკვეთრად გაზარდონ კონტინენტის უსაფრთოების საკითხზე ზრუნვა რუსული აგრესიის ფონზე. 

სოციალურ ქსელებში ზელენსკიმ დაწერა, რომ ვიზიტი საუდის არაბეთში ორშაბათს შედგება, სადაც ის შეხვდება პრინც მუჰამედ ბინ სალმანსაც. ამ შეხვედრის შემდეგ კი მისი გუნდი გამართავს შეხვედრებს ამერიკელ პარტნიორებთან. 

ხუთშაბათს ტელეკომპანია  Fox News-ი წერდა, რომ ამერიკული დელეგაციის წევრებს შორის იქნებოდნენ სახელმწიფო მდივანი მარკო რუბიო, ეროვნული უსაფრთხოების საკითხებში მრჩეველი მაიკ უოლტცი და სპეციალური წარმომადგენელი სტივ უიტკოფი, ხოლო უკრაინული მხრიდან პრეზიდენტის აპარატის ხელმძღვანელი ანდრეი ერმაკი. სააგენტო AFP-ის წყარო ასევე იტყობინება, რომ უკრაინის დელეგაციაში შესაძლოა იყოს თავდაცვის მინისტრი რუსტემ უმეროვი.

შეხვედრის თარიღი ოფიციალურად არ გამოცხადებულა, თუმცა AFP-ის წყარო აცხადებს, რომ ის შესაძლოა ერ-რიადში სამშაბათს, 11 მარტს შედგეს.

საუდის არაბეთში მოლაპარაკებები იქნება პირველი პირისპირი კონტაქტი უკრაინელ და ამერიკელ მაღალჩინოსნებს შორის თეთრი სახლის ოვალურ კაბინეტში ზელენსკის და ტრამპს შორის საჯარო დაპირისპირების შემდეგ.