გაერთიანებული სამეფოსა და კანადის ცენტრალური ბანკის ყოფილმა ხელმძღვანელმა, მარკ კარნიმ „ლიბერალური პარტიის“ ლიდერის არჩევნებში ხმების 85.9%-ი მიიღო. ამ შედეგით ის ქვეყნის პრემიერ-მინისტრის თანამდებობაზე ჯასტინ ტრუდოს ჩაანაცვლებს. პარტიის ლიდერის არჩევნებში სულ ოთხი კანდიდატი მონაწილეობდა.

შეგახსენებთ, რომ კანადის მომავალი პრემიერმინისტრი კარნი, რომელიც 59 წლისაა, თანამდებობას მომდევნო დღეებში დაიკავებს და მოუწევს პრეზიდენტ დონალდ ტრამპის მიერ დაწყებულ სავაჭრო ომზე ქვეყნის პასუხი შეიმუშაოს. კარნი როგორც კანადის, ასევე ინგლისის ცენტრალური ბანკის თავმჯდომარე იყო და მოსალოდნელია, რომ იგი მალევე დანიშნავს საყოველთაო არჩევნებს, რათა წინასაარჩევნო გამოკითხვებში ასახული იმპულსი გამოიყენოს კანადის კონსერვატიული პარტიის წინააღმდეგ. 

ამასთან, კანადაში საყოველთაო არჩევნები 20 ოქტომბრამდე უნდა ჩატარდეს, რომლის დროსაც კანადელ ხალხს მიეცემა საშუალება, გამოხატოს თავისი აზრი იმის შესახებ, თუ ვინ უნდა უხელმძღვანელოს ქვეყანას.