რუსეთმა უკრაინაზე დრონებით მასშტაბური თავდასხმა განახორციელა. უკრაინული მედიის ცნობით რუსებმა დრონები სხვადასხვა მიმართულებიდან გაუშვეს, მათ შორის შატალოვოს, მილეროვოს, კურსკის, ბრაიანსკისა და პრიმორსკო-ახტარსკის ტერიტორიიდან და ასევე დროებით ოკუპირებული ყირიმიდან.
უკრაინელებმა Shahed-ის და სხვა ტიპის 130 უპილოტო საფრენი აპარატი ჩამოაგდეს ხარკოვში, პოლტავაში, სუმში, ჩერნიგოვში, ჩერკასში, კიევში, კიროვოგრადში, ჟიტომირში, ვინიცაში, დნიპროპეტროვსკში, ზაპორიჟიესა და დონეცკის ოლქებში. ამასთან, 42 დრონმა ორიენტაცია დაკარგა და სამიზნეს ვერ მიაღწია.
უკრაინის საჰაერო ძალებში აცხადებენ, რომ საჰაერო თავდაცვის მძლავრი მუშაობის მიუხედავად, თავდასხმის შედეგად ხარკოვის, პოლტავასა და კიევის ოლქებში ობიექტები დაზიანდა.