დონალდ ტრამპი აშშ-ში იმპორტირებულ თითქმის ყველა საქონელზე მინიმუმ 10%-იან ტარიფს და ყველა იმპორტირებულ ავტომობილზე 25%-იან ტარიფს აანონსებს.

ტრამპის თქმით, აშშ-ში იმპორტირებულ თითქმის ყველა საქონელზე მინიმუმ 10%-იანი ტარიფი იმოქმედებს, ხოლო ქვეყნებს, რომლებთანაც აშშ-ს უფრო დიდი სავაჭრო დეფიციტი აქვს – უფრო მაღალი ტარიფები დაუწესდებათ.

დაახლოებით 60 ქვეყანას, რომლებსაც, ტრამპის თქმით, ამერიკულ საქონელზე ყველაზე მაღალი ტარიფები აქვთ დაწესებული (მათ შორის ვალუტის მანიპულაციებით და სავაჭრო ბარიერებით), აშშ-ის მხრიდან დაახლოებით განახევრებული ტარიფები დაუწესდებათ მათ ტარიფებთან შედარებით.

დაანონსებული ტარიფებია ასეთია: ევროკავშირზე – 20%, ვიეტნამზე – 46%, ტაივანზე – 32%, იაპონიაზე – 24%, ინდოეთზე – 26%, სამხრეთ კორეაზე – 25%, ტაილანდზე – 36%, შვეიცარიაზე – 31%, ინდონეზიაზე – 32%, მალაიზიაზე – 24%, დიდ ბრიტანეთზე – 10%, ისრაელზე – 17%, სამხრეთ აფრიკაზე – 30%.

საქართველოს, სომხეთის, აზერბაიჯანის, ასევე, უკრაინის, თურქეთის მიმართ 10%-იანი ტარიფი იმოქმედებს.

ამასთანავე,აშშ-ის პრეზიდენტმა  25%-იანი ტარიფი დააანონსა აშშ-ში იმპორტირებულ ყველა უცხოურ ავტომობილზე.

ცნობისთვის,საბაზისო 10%-იანი ტარიფები 5 აპრილს შევა ძალაში.