TikTok-ზე წვდომა ამერიკაში 75 დღით გახანგრძლივდა. ამის შესახებ ქვეყნის პრეზიდენტმა დონალდ ტრამპმა საკუთარ სოციალურ ქსელში დაწერა.

შეერთებული შტატების პრეზიდენტმა, ჩინურ კომპანიას კიდევ 75 დღე მისცა, რათა აშშ-ში მოქმედი აპლიკაციის აქტივები არაჩინურ კომპანიას მიჰყიდოს. გადაწყვეტილება ჯერ კიდევ ბაიდენის ადმინისტრაციამ გასულ წელს მიიღო.

გადაწყვეტილების მიზეზი ამერიკელი კანონმდებლების შეშფოთება იყო, რომ ჩინური კომპანია ეროვნულ უსაფრთხოებას საფრთხეს უქმნიდა. TikTok-მა 19 იანვარს ამერიკაში მუშაობა რამდენიმე საათით შეაჩერა, თუმცა დონალდ ტრამპმა, პრეზიდენტის პოსტის დაკავების შემდეგ, ხელი მოაწერა განკარგულებას და კომპანიას შეთანხმების მისაღწევად 75 დღე მისცა.