შინაგან საქმეთა სამინისტროს საპატრულო პოლიციის დეპარტამენტის თანამშრომლებმა ბათუმში ინტერპოლის წითელი ცირკულარით ძებნილი უცხო ქვეყნის მოქალაქე დააკავეს.
ინფორმაციას ამის შესახებ შინაგან საქმეთა სამინისტრო ავრცელებს.
უწყების ცნობით, დაკავებულს საბერძნეთის სამართალდამცავი ორგანოები განსაკუთრებით დიდი ოდენობით თანხის თაღლითურად დაუფლების ბრალდებით ეძებდნენ.
„სამართალდამცველებმა ძებნილი პირი ბათუმში დააკავეს.
ამჟამად, დაკავებულის მიმართ კანონით გათვალისწინებული საექსტრადიციო პროცედურები მიმდინარეობს“, – ნათქვამია უწყების მიერ გავრცლეებულ ინფორმაციაში.