შინაგან საქმეთა სამინისტროს თბილისის პოლიციის დეპარტამენტის ძველი თბილისის მთავარი სამმართველოს თანამშრომლებმა, ჯგუფურად, ძალადობით ჩადენილი ძარცვის ბრალდებით, ორი პირი დააკავეს. ინფორმაციას შინაგან საქმეთა სამინისტრო ავრცელებს.
უწყების ცნობით, ბრალდებულებმა თბილისში, ერთ-ერთ ქუჩაზე, უცხო ქვეყნის მოქალაქეს ფიზიკური შეურაცხყოფა მიაყენეს, მობილური ტელეფონები და ფული გასტაცეს, რის შემდეგაც შემთხვევის ადგილიდან მიიმალნენ.
შსს-ის ინფორმაციით, სამართალდამცველებმა ჩატარებული ოპერატიული ღონისძიებებისა და საგამოძიებო მოქმედებების შედეგად, ბრალდებულები ცხელ კვალზე დააკავეს.
უწყების ცნობით, ფაქტთან დაკავშირებით აქტიური საგამოძიებო მოქმედებები გრძელდება.
გამოძიება საქართველოს სისხლის სამართლის კოდექსის 178-ე მუხლით მიმდინარეობს, რაც 8 წლამდე ვადით თავისუფლების აღკვეთას ითვალისწინებს.