დრონებით თავდასხმის შემდეგ რუსეთის ნოვოროსიისკის მარცვლეულის ტერმინალმა მუშაობა შეაჩერა, – ინფორმაციას Reuters წყაროზე დაყრდნობით ავრცელებს.

გამოცემის ინფორმაციით, გასულ ღამეს უკრაინამ ნოვოროსიისკის მარცვლეულის ტერმინალზე დრონებით იერიში მიიტანა.

Reuters-ის წყაროს განცხადებით, თავდასხმის შემდეგ ტერმინალმა მუშაობა შეაჩერა და ამჟამად მიყენებული ზარალის შეფასება მიმდინარეობს.

თავდასხმის შედეგად ტერმინალის დაზიანება დაადასტურა მისმა მფლობელმა კომპანია Demetra Holding-მაც.

ნოვოროსიისკის მარცვლეულის ტერმინალისთვის მიყენებული ზარალის მასშტაბი ამ დროისთვის უცნობია.