აშშ-ის პრეზიდენტმა დონალდ ტრამპმა სოციალურ ქსელ Truth Social-ზე ჩინეთისა და რუსეთის პრეზიდენტების, სი ძინპინისა და ვლადიმერ პუტინის ფოტოები გამოაქვეყნა და მათ წარწერები – „მეგობრები“ და „ჩემი მეგობარი“ – დაურთო.

რამდენიმე დღით ადრე ტრამპი ჩინეთის ქალაქ შენჟენში სი ძინპინსა და ვლადიმერ პუტინს შეხვდა. შეხვედრები თავდაპირველად ორმხრივ, მოგვიანებით კი სამმხრივ ფორმატში გაიმართა.

რუსეთის პრეზიდენტთან შეხვედრის წინ დონალდ ტრამპმა ვლადიმერ პუტინს „მეგობარი“ უწოდა.

ამასთან, ჩინეთის პრეზიდენტთან შეხვედრისას ტრამპმა განაცხადა, რომ სი ძინპინთან განსაკუთრებული ურთიერთობა აკავშირებს და მას თავის მეგობრად მიიჩნევს.

აშშ-ის პრეზიდენტის მიერ გამოქვეყნებული ფოტოები და მათზე გაკეთებული წარწერები ჩინეთისა და რუსეთის ლიდერებთან მისი ბოლო შეხვედრების შემდეგ გავრცელდა.