რუსებმა ხერსონში ავტობუსს დაარტყეს, რის შედეგად, 4 ადამიანი დაიღუპა. ხერსონის საოლქო-სამხედრო ადმინისტრაციის ხელმძღვანელის, ალექსანდრ პროკუდინის განცხადებით, რუსულმა ძალებმა ავტობუსზე თავდასხმა დრონების გამოყენებით განახორციელეს. „ამ ტერორისტული თავდასხმის შედეგად ოთხი ადამიანი დაიღუპა. დაღუპულთა ოჯახებს გულწრფელ სამძიმარს ვუცხადებ“, – განაცხადა პროკუდინმა. რუსული ძალების იერიშის შედეგად 5 ადამიანი დაშავდა, რომლებიც საავადმყოფოში გადაიყვანეს.