ნახვები: 11
გერმანიის კანცლერის, ფრიდრიხ მერცის განცხადებით, ევროკავშირი ირანის წინააღმდეგ დამატებითი სანქციების დაწესებაზე მუშაობს. მისი თქმით, აღნიშნული ნაბიჯი მიზნად ისახავს ირანის ხელისუფლებისთვის მკაფიო პოლიტიკური გზავნილის გაგზავნას, განსაკუთრებით იმ ფონზე, როდესაც რეჟიმი საკუთარი მოსახლეობის წინააღმდეგ ძალადობას მიმართავს.
მერცმა ირანის ხელმძღვანელობას მოუწოდა, დაიცვას ირანელი ხალხის ფუნდამენტური უფლებები და აღნიშნა, რომ „რეჟიმის მიერ საკუთარი ხალხის წინააღმდეგ ძალადობა არა სიძლიერის, არამედ სისუსტის ნიშანია და ეს დაუყოვნებლივ უნდა დასრულდეს“. კანცლერის განცხადებით, სწორედ ამ პოზიციის გასამყარებლად მუშაობს ევროკავშირი დამატებით სანქციურ პაკეტზე.
მანამდე მან  გააკეთა კიდევ უფრო მკაცრი პოლიტიკური შეფასება და განაცხადა, რომ ირანის მოქმედ რეჟიმს „ბოლო დღეები და კვირები“ აქვს დარჩენილი. მისი თქმით, თუ ხელისუფლება ძალაუფლების შენარჩუნებას მხოლოდ ძალის გამოყენებით ახერხებს, ეს ფაქტობრივად რეჟიმის დასასრულს ნიშნავს.