4 ოქტომბრის საქმეზე მსჯავრდებული მომღერალი პაატა ბურჭულაძე საქართველოს საკონსტიტუციო სასამართლოს მოსამართლეებს მიმართავს და აცხადებს, რომ მზად არის, ბათუმში ჩავიდეს და 4 ოქტომბერს გამართული ეროვნული კრების შესახებ დეტალური ინფორმაცია პირადად მიაწოდოს.

ბურჭულაძის განცხადებით, 4 ოქტომბრის ეროვნული კრება მოქალაქეთა მშვიდობიან პროტესტს წარმოადგენდა და მთავრობის ლეგიტიმაციის შეწყვეტას უკავშირდებოდა.

მისი თქმით, აღნიშნული მოვლენების შინაარსისა და მიზნების შესახებ საკონსტიტუციო სასამართლოს მოსამართლეებთან უშუალოდ საუბარი სურს.

ბურჭულაძე გამოთქვამს მზადყოფნას, სასამართლოს მიაწოდოს დამატებითი განმარტებები ეროვნული კრების ორგანიზებისა და მისი მნიშვნელობის შესახებ.